இந்நேரம்.காமின் பரண்

நமது தளத்தில் வெளியான புர்க்கா பெண்ணடிமைத்தனத்தின் அடையாளம் என்ற சர்கோசி கூறியதாக வெளியான செய்தியை வாசித்த வாசகர் ஒருவர் எழுதிய கட்டுரை இது. வாசகரின் கருத்துடன் இந்நேரம்.காம் ஒத்த கருத்து கொண்டிருக்க வேண்டிய அவசியமில்லை என்பதைக் குறிப்பிட விரும்புகிறோம்.

தங்கள் தளத்தில் "புர்க்கா பெண்ணடிமைத்தனத்தின் அடையாளம்: சர்கோசி" என்ற செய்தியைக் கண்டேன்.

பிரான்ஸ் அதிபர் நிக்கோலஸ் சர்கோசி அவர்களின் இஸ்லாம் மீதான ஃபோபியாவினைத் தெளிய வைக்கும் முயற்சியில் முஸ்லிம் தலைவர்கள் சர்வதேச அளவில் தங்கள் கண்டனத்தைத் தெரிவித்துள்ளனர் என்பது குறிப்பிடத் தக்கது.

பிரான்ஸில் கிட்டத்தட்ட ஐம்பது லட்சம் முஸ்லிம்கள் உள்ள சூழ்நிலையில், நேற்று முன்தினம், பிரான்ஸ் பார்லிமென்டில் பேசிய அதிபர் நிக்கோலஸ் சர்கோசி, "பர்தா என்பது மத அடையாளம் அல்ல; அது ஒரு அடிமைத்தனம்' எனப் பேசியுள்ளார். ஆனால் தான் வழக்கமாகச் செல்லும் சர்ச்சுகளில் கன்னியாஸ்திரிகள் என்ன மாதிரி உடைகள் அணிந்து இருப்பார்கள் என்பதை வசதியாக மறந்து விட்டுப் பேசும் இத்தகைய துவேசப் பேச்சிற்கு உலக முஸ்லிம் நாடுகளின் தலைவர்கள் கடும் கண்டனம் தெரிவித்துள்ளனர். ஆண்களைக் கவரக்கூடிய வகையில் உடையணிவதைத் தவிர்த்துக் கொள்வது அடிமைத்தனம் எனில், அவிழ்த்துப் போட்டுவிட்டு நிற்பது தான் சுதந்திரமா என்பதைச் சொல்ல மறந்து விட்டார் சார்கோசி.

பெருவாரியாக முஸ்லிம்களைக் குடிமக்களாகப் பெற்றுள்ள ஒரு நாட்டின் பொறுப்புள்ள அதிபர், அதுவும் பார்லிமெண்டில் பொதுமக்கள் முன்னிலையில் இஸ்லாமிய மார்க்கத்தின் மீது நேரடியாக நடத்தப்பட்ட தாக்குதல் இது. சர்வதேச அளவில் முஸ்லிம் மக்கள் மனதைப் புண்படுத்தியுள்ளது எனவும் இதற்கு சர்கோசி பகிரங்க மன்னிப்புக் கேட்டாக வேண்டும் எனவும் அவர்கள் கண்டனம் தெரிவித்துள்ளனர்.

இது குறித்து டில்லி ஜும்மா மசூதியின் இமாம் அகமத் புகாரி கூறுகையில், "மதச்சார்பற்ற ஜனநாயக நாடு என்று கூறிவரும் பிரான்ஸ் நாட்டில், இஸ்லாம் மக்களின் மத ரீதியான சுதந்திரத்தில் தலையிட, சர்கோசிக்கு என்ன உரிமை இருக்கிறது? உலகில் எந்த ஒரு குறிப்பிட்ட மதத்தினரின் மீதும் தொடர்ந்து பிரயோகிக்கப்படும் இது போன்ற அநீதிகளும், வன்முறைகளும் தான் தீவிரவாதம் அதிகரித்து, பின் அதுவே பயங்கரவாதச் செயல்களுக்கு வித்திட்டு விடுகிறது" என்றார்.

முஸ்லிம்களுக்கு எதிராகப் பேசிய பிரான்ஸ் அதிபருக்கு இந்தியா கடும் எதிர்ப்பு தெரிவிக்க வேண்டும் என, முஸ்லிம் அமைப்புகள் இந்திய அரசிடம் வேண்டுகோள் விடுத்துள்ளன என்பது குறிப்பிடத் தக்கது.

-அபூ ஸாலிஹா

பெயர்

மின்னஞ்சல் முகவரி மொழிமாற்ற கீழே "தட்டச்சு மொழியில்" தேர்வு செய்யுங்கள்!

எதிர்க்கருத்து உங்கள் உரிமை. தமிழன் பண்பாடு முதல் கடமை. பண்பாடற்ற பின்னூட்டங்கள் அறிவிப்பின்றி நீக்கப்படும் - நன்றி! .

கருத்து

சிறிதாக்குக | பெரிதாக்குக

மின்னஞ்சல் வழி கருத்துகளுக்குப் பதிவு செய் (பதிவு செய்யப்பட்ட பயனர்களுக்கு மட்டும்)

அனுப்புக