சென்னை: தமிழ்நாடு மின்சார ஒழுங்குமுறை ஆணையம் வெளியிட்டுள்ள அறிவிப்பில் கூறியிருப்பதாவது தமிழ்நாடு மின்சார வாரியம் தற்போதுள்ள மின் கட்டணத்தை மாற்றியமைப்பதற்கான மனுவை தாக்கல் செய்துள்ளது.
அதன்படி உயரழுத்த தொழிற்சாலைகளுக்கு ஒரு யூனிட்டுக்கு - ரூ.4; கல்வி நிறுவனங்கள் - ரூ.4.20; வணிக நிறுவனங்கள்- ரூ.5.80; தாழ்வழுத்தம் வீடுகளுக்கு 2 மாதங்களுக்கு 200 யூனிட்டுகளுக்கு மேல் - ரூ.4;400 யூனிட்டுகளுக்கு மேல் - ரூ.4.25;600 யூனிட்டுகளுக்கு மேல் - ரூ.5.75, சினிமா தியேட்டர்கள்- ரூ.5; தனியார் கல்லூரிகள் - ரூ.6.
தமிழ்நாடு மின்வாரியத்தின் மாநில ஆலோசனைக்குழு கூட்டம் இன்று (வியாழன்) கூடுகிறது. அடுத்த கட்ட ஆலோசனை நடவடிக்கையாக மின்கட்டண உத்தேசத்திட்டத்தின் பேரில் சம்பந்தப்பட்டவர்கள் அனைவரிடமிருந்தும் கருத்துக்களையும் மறுப்புரைகளையும் கேட்பதற்கு பொதுமக்கள் கருத்து கேட்புக் கூட்டத்தை நடத்தவிருக்கிறது.
மார்ச் 30-ந் தேதி சென்னையிலும், ஏப்ரல் மாதம் 8-ந் தேதி மதுரையிலும், ஏப்ரல் 13-ந் தேதி கோயம்புத்தூரிலும், ஏப்ரல் 15-ந் தேதி திருச்சியிலும் இந்த கூட்டம் நடத்தப்படுகிறது என்று கூறப்பட்டுள்ளது.விரைவில் பென்னாகரம் இடைத்தேர்தல் நடைபெற உள்ளதால் அதன் பாதிப்பு தேர்தலில் எதிரொலிக்கும் என்பதால் தேர்தல் முடிவுக்குப் பிறகு கட்டண உயர்வுகள் அறிவிக்கப்படலாம்.
பதிவான கருத்துக்களை வாசிக்க...
உங்கள் கருத்தை எழுத...
| < முந்தையது | அடுத்தது > |
|---|
