இந்தியாவுக்கு அரசு முறைப் பயணமாக வந்துள்ள ரஷ்யப் பிரதமர் விளாடிமிர் புடின், இந்தியா-ரஷ்யா இடையே பல்வேறு துறைகளில் 19 ஒப்பந்தங்களில் நேற்று கையெழுத்திட்டார்.
இந்தியாவில் 12 அணு உலைகளை அமைப்பது, மிக்-29 ரக விமானங்களை வாங்குவது, கோர்ஷ்கோவ் விமானம் தாங்கி கப்பலை ரஷ்யாவிடம் இருந்து வாங்குவது உட்பட பல முக்கிய ஒப்பந்தங்கள் கையெழுத்தாகின.
தமிழகத்தில் திருநெல்வேலி-கூடங்குளம் அணுமின் நிலையத்தில் 3வது மற்றும் 4வது அணு உலைகளை அமைப்பதற்கான ஒப்பந்தமும் கையெழுத்தானது.
திருநெல்வேலி-கூடங்குளத்தில் 6 அணு உலைகளும் மேற்கு வங்கம்-ஹரிப்பூரில் 6 அணு உலைகளும் அமைப்பது என்று இந்த சந்திப்பின்போது ஒப்புக்கொள்ளப்பட்டது.
இந்திய விண்வெளி ஆராய்ச்சி மையத்துக்கும், ரஷ்ய விண்வெளி ஆய்வு மையத்துக்கும் இடையே ஒப்பந்தம் மற்றும் உரத்துறை உட்பட மொத்தம் 19 ஒப்பந்தங்களும் ஒரே நாளில் கையெழுத்தாகின.
பதிவான கருத்துக்களை வாசிக்க...
உங்கள் கருத்தை எழுத...
| < முந்தையது | அடுத்தது > |
|---|
