"பணம் கொடுத்து வாக்குகளை வாங்குவது ஜனநாயகமில்லை. இந்த அரசியல்வாதிகள் திருந்த வேண்டுமானால் நாம் எல்லோரும் 49ஒ-க்கு வாக்களிக்க வேண்டும்" என மகாத்மா காந்தியின் தனிச்செயலராக இருந்த கல்யாணம் கூறியுள்ளார்.
ஆரணிக்கு அருகிலுள்ள குன்னத்தூர் ஸ்ரீபாரதி மகளிர் கலைக்கல்லூயில் வெள்ளிக்கிழமை நடைபெற்ற மகளிர் தினவிழாவில் பங்கேற்ற பின் செய்தியாளர்களிடம் அவர் பேசும்போது, "சுதந்திரம் பெற்ற இந்தியாவில் இருக்க இடம், உணவு, தண்ணீர் இல்லாமல் அவதிப்படுபவர்கள் 60 சதவீதத்தினர் உள்ளனர். சுதந்திரம் வாங்குவதற்கு முன் ஈவ் டீஸிங், திருட்டு, கொலை, கடத்தல் என்பது இப்போது இருப்பது போல் இல்லை.
காந்தியின் குடும்பத்தைச் சேர்ந்த யாரும் அரசியலுக்கு வரவில்லை. டாக்டர் ராஜேந்திரபிரசாத், ராஜாஜி உள்ளிட்ட தலைவர்களின் குடும்பத்தில் யார் யார் உள்ளனர் என்று கூடத் தெரியவில்லை. ஆனால் நேருவின் குடும்பத்தைச் சேர்ந்த அனைவரும் அரசியலில் உள்ளனர். கருணாநிதியின் குடும்பத்தில் பெரும்பாலானோர் அரசியிலில் உள்ளனர்.
பணம் கொடுத்து வாக்குகளை பெறுவது ஜனநாயகம் இல்லை. தற்போதுள்ள அரசியல்வாதிகள் திருந்த வேண்டுமென்றால் அனைத்து மக்களும் ஒன்று கூடி தேர்தலை புறக்கணிக்க வேண்டும் அல்லது 49ஓவிற்கு வாக்களிக்க வேண்டும்.
குடியரசுத்தலைவர், பிரதமர், முதலமைச்சர், எம்பிக்கள், எம்எல்ஏக்களுக்கு அதிக சம்பளம் வழங்கப்படுகிறது. இவர்கள் தங்குவதற்கு வீடு, உணவு, பயணச்செலவு எல்லாவற்றையும் அரசு வழங்குகிறது. பிறகு ஏன் அதிக சம்பளம் தரவேண்டும்? பென்ஷன் தரவேண்டும்? குறைவாக சம்பளம் வாங்கும் வாட்ச்மேனுக்கு சம்பளத்தை ஏற்றிக்கொடுங்கள். நான் அரசு ஊழியராகத்தான் பணிபுரிந்தேன். ஆனால் பென்ஷனை வேண்டாமென்று கூறிவிட்டேன்.
காவல்துறை பொதுமக்களுக்குத்தான் பாதுகாப்பு தரவேண்டும். அமைச்சர், எம்எல்ஏக்களுக்கு ஏன் பாதுகாப்பு தரவேண்டும்? மகாத்மா காந்தியே "எனக்கு எதற்கு பாதுகாப்பு?' எனக் கேட்டு பாதுகாப்புக்கு இருந்த போலீஸôரை அனுப்பிவிட்டார்.
காந்திக்கு உலக மக்கள்தான் சொத்து. அவரிடம் ஒரு கண்ணாடி, இரண்டு வேட்டி, கைகடிகாரம், செருப்பு, படுக்கை இதைத்தவிர வேறு எதுவும் இல்லை. சுதந்திரத்துக்குப் பிறகு ஐந்தரை மாதங்கள் காந்தி உயிரோடு இருந்தார். அரசாங்கம் நடைபெற்ற லட்சணத்தைப் பார்த்து இரவு நேரங்களில் அவர் கண்ணீர் வடித்தார். காந்தி சுடப்பட்டு இறந்த போது அவருக்கு அருகில்தான் நான் இருந்தேன்" என்று கல்யாணம் கூறினார்
பதிவான கருத்துக்களை வாசிக்க...
உங்கள் கருத்தை எழுத...
| < முந்தையது | அடுத்தது > |
|---|
